Monday, August 4, 2014

Paraoma sa Labo, tinaga

LABO, CAMARINES NORTE – Dating dai-pagkaintindihan an nagtulod sa sarong lalaki na tagaon an sarong paraoma sa banwaan na ini bandang alas 4 kasoodmang hapon.

Sinabi kan Labo Municipal Police Station na an victima na si Charlie Ilano y Enova, 35 anyos, balo, asin residente kan P1, Guinacutan sa banwaan na ini, an naglalakaw hale sa saiyang uma pauli.

Kaiba niya kan mga oras na ito an saiyang amigo na si Joselito Acao y Palero.

Bigla na sanang nagrani an suspechado na si Gerardo de Mesa y Nala, 40 anyos, asin residente kan P5, Guinacutan, sa banwaan na ini.

Tinaga suboot ni de Mesa an walang takyag kan victima, segun sa report kan pulis.

Dinara tulos an victima sa ospital tanganing matawan nin asistencia medical.

Mientrastanto, an suspechado nagsuko sa Labo Municipal Police Station matapos an insidente.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...