Monday, August 4, 2014

3ng oficiales kan Iriga City, tinanggal sa trabaho kan Ombudsman

IRIGA CITY—Pigsugo kan Ombudsman na haleon sa trabaho an 3ng official kan ciudad na ini, huli sa pagkaimbuelto sa scandalo sa pagbakal nin likidong abono.
Office of the Ombudsman
Office of the Ombudsman
Sabi kan Ombudsman, an mga oficiales iyo sinda Iriga City Accountant Aida Estonido, Iriga City Agriculturist Edwin Lapuz, asin Iriga City Prequalification Bids and Award Committee (PBAC) Chairman Aldo Turiano.

An tulo napatunayan sa sahot na “dishonesty, grave misconduct, asin conduct prejudicial to the best interest of the service,” huli kan saindang participasyon sa overpriced na binakal na mga likidong abono.

Si Ombudsman Conchita Carpio Morales nagsabi na an mga miembros kan PBA na sinda Estonido, Lapuz asin Turiano nagbalga sa Procurement Law.

An pagbakal kan Iriga City nin 789ng litros nin Young Magic Foliar Fertilizer sa Madarca Trading, nagresulta sa pagkalugi kan gobierno nin kantidad P2,787,191.

Naaraman sa imbestigasyon na an presyo kan Young Magic Foliar fertilizer, P125 man sana an kada litro. Alagad, an bakal kaini kan Iriga City P3,800 an kada litro.

An Ombudsman nagsabi na sala si pagbidding kan nasambit na producto sa rason na igwa na nin pangaran kan brand kan gusto nindang bakalon.

An Ombudsman nagsabi na si Estonido asin Turiano, may pagkaaram asin participasyon, ta nagfirma sindang duwa kan pagrecibe asin inspection kan binakal na abono.

Si Lapuz, nag report man sa PBAC na dapat hidaleon an pag supply kan likidong abono sa mga paraoma, maski mayo man nin naheling na urgente an pangangaipo kaini sa buhay asin propiodad.

An penalidad na pig imponir sainda dismissal, na igwang accessory na penalidad na pagcancelar kan saindang eligibility, forefeiture kan saindang retirement benefits, asin perpetual disqualification from holding public office.

An aspeto criminal pendiente pa sa Ombudsman.

Mientrastanto, ibinasura kan Ombudsman an sahot asin reclamo contra ki Jean Bongon, Jessie Abonite, Jose Cabanes, Amparo Olaso, Melchor Nacario asin Fernando Berina, sa rason na kulang nin evidencia.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...