Sunday, August 24, 2014

Driver nin habal-habal, pinugotan sa Mandaon, Masbate

MANDAON, MASBATE—Mayo pa nin makapagsabi kun sisay an kriminal na nag pugot kan payo kan driver nin habal-habal na byaheng  Arroroy pasiring sa Barangay Anas, sa banwaan na ini.

An victima iyo si Nilo Manlapas, 28 anyos, nakuang utas na an payo sa saiyang lawas asin tadtad pa nin taga asin saksak sa kili-kili.

“Determinado an para gadan saiya. An mga saksak sa lawas anas mortal an tama. Pinugot pa an saiyang payo”, sabi kan mga nakaheling kan gadan.

Susug sa imbestigasyon, arkilado an habal-habal ni Manlapas tanganing maghatod nin pasahero hale sa Arroroy pasiring sa barangay Anas, Mandaon.

An sabi, naglipas na an magdamlag dae nagbwelta sa saindang residencia si Manlapas kaya pig hanap na kan saiyang familia.

Kan madukayan ini, saro na siyang malipot na bangkay.

“An saiyang putol na payo inapon sa uma, na may distanciang apat na metros hale sa saiyang lawas” sabi sa report.

Mientrastanto, si Insp. Eddie Compuesto, an Deputy Chief of Police digdi nagsabi na na nag titipon pa sinda nin dagdag na evidencia para maka sangat nin demanda.

An pulis may pagtubod na pwedeng pig holdup ngona an victima, alagad kan maglaban saka na sana ginadan.

Igwa man nag teoriya na dakula an posibilidad na pig plano an pag gadan ki Manlapas, base sa kamugtakan kan pag gadan saiya.

Kun an plano mag holdup sana, pwedeng dae na ini pugotan nin payo asin saksakon nin kadakol na beses para maseguro an saiyang kagadanan, sabi pa. (BICOLSTANDARD.COM) BICOL NEWS  

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...