For immediate hiring

For immediate hiring

Friday, August 22, 2014

Detenidong nakadulag, nadakop na

NAGA CITY — Nahulog na sa kamot kan mga pulis an detenidong nakadulag sa custodia kan mga miembro kan PNP Masbate kan fecha 5 kan bulan na ini.

Si Mario Martinez y De Leon, 38, may-agom, asin taga-San Pascual, Masbate, akusado sa pagbalgar kan Section 5, Article II kan R.A. 9165 o an Comprehensive Dangerous Drugs Act of 2002.

Sa enot na report kan Camp Bonny Serrano sa Masbate City kan fecha 8 kan bulan na ini, sinabi na si Martinez, kan madakop sa Deca Homes Subdivision sa ciudad na ini, nagpaaram na magduman sa banyo.
Huri na kan maaraman kan mga pulis na rinaot palan ni Martinez an jalousies kan comfort room, asin duman nag-agi tanganing magdulag.

Tulos man hinanap si Martinez sa subdivision alagad dai nakua.

Nagpadagos an pagsiyasat, asin sa pinakahuring report, sinabi na an suspechado, nadakop na sa saiyang pig-arkilang harong duman sa Barangay Nagpayong Pinagbuhatan,Pasig City.

Ini  sa pinagsarong fuerza ninda SPO1 Dante B. Cabalquinto asin PO3 Welhelmino B De Guzman III kan Office of Chief PNP/Task Force TUGIS; PO3 Roderick Macararanga kan San Pascual Masbate Police Station, asin mga miembro kan Pasig City Police Station.

Dinara na si Martinez sa Masbate City, kun sain siya presenteng napepreso sa Bureau of Jail Management and Penology.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...