Tuesday, August 26, 2014

Daragang ina, dinakop sa droga sa Naga City

NAGA CITY—Dimalas si aldaw kasoodma kan sarong 29 anyos na babae na dinakop kan mga pulis digdi sa pagbalga sa Section 11 kan RA 9165, na mas bisto sa apod na Comprehensive Dangerous Drugs Act.

An inang daraga na pigbisto sa pangaran na Roxan Alegre y Alegre taga Zone 5, Barangay Penafrancia.

Sabi sa report ni PO1 Macalental, mantang sinda sa pagpatrolya kaiba an personahes kan VCU, naka-abay niya sa may "hump" kan tinampo an tricycle  na piglulunadan kan suspechado.

Mantang maluway sana si dalagan kan saindang mga vehiculo, kan magkatungodan sinda, malinaw suboot na naheling kan pulis na may nahulog na plastic sachet hale sa bag ni Alegre.

Sa suspecha na shabu an laog kan plastic sachet, bigla niyang pinarikas an saiyang pig lulunadan na motorcyclo asin kan maka-overtake na sa tricycle pinara niya an piglulunadan kan suspechado.

Marikas na tinungtongan ni Alegre an plastic sachet, na kan makua ninda, may laog nin pig tutubodan na methamphetamine hydrochloride o shabu.

Sa atubangan ni Punong Baranray Gemma Joy R. Antonio kan Barangay Dinaga, Rodrigo Borigas kan Department of Justice (DOJ) asin Boyet Paderes kan DWLV, ginibo an pag-imbentaryo kan nakuang bagay ki Alegre, bilang evidencia sa pagsangat nin kaso.

Afuera ki PO1 Macalental, an iba pang mga kairiba sa operasyon iyo sinda PO3 Bernales, asin PO2 Arellano.
An incidente nangyari kasoodma sa Kalye Caceres, Dinaga, alas 9:30 nin banggui.

An suspechado dinara man tulos sa Naga City Hospital para sa medical examination antes na siya i-detinir.
An suspechado nadiscubre kan mga imbestigador na yaon palan sa listahan kan mga pig tutubodan na imbuelto sa droga digdi.--BICOLSTANDARD.COM BICOL NEWS
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...