Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Monday, August 4, 2014

Daet Acting Mayor Ong, disganado sa hefe kan pulis

DAET, CAMARINES NORTE—Disganado si Acting Mayor Noel Ong kan banwaan na ini sa maluyang hiri-hiro kan saindang pulis, orog na sa pag mantinir kan paz y orden.

Acting Mayor Noel Ong
Si Ong an nakatukaw na acting mayor kan banwaan, huli ta si Alkalde Tito Sarion yaon sa luwas kan nasyon.

Sa primero pa sanang aldaw kan pagtukaw ni Ong, ipinaapod kaini an pulis para mandahan na tutokan an tranquilidad sa palibot kan banwaan.

Pero, sarong semana pa sana makalihis an nasambit na kasugoan, nagputok tulos an bareta dapit sa pagkaholdup ki Engineer Carlito Torero sa Purok I, Barangay Bagasbas, digdi.

Nalalay kan mga kriminal an kantidad P1,000,000 hale sa victima.

Hasta sa presente, mayo pang ideya an mga pulis kun saen na nagdulan an mga responsable sa krimen. Huring naheling an magkaibahan na holduppers pasiring sa direksyon kan Vinzons asin Talisay, Camarines Norte.

Ngonian na taon, iyo na ini an pinakadakulang kantidad nin cuarta na nalalay kan mga holdappers sa saindang victima.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...