Monday, August 18, 2014

Church of the Latter Day Saints sa Camalig, sinalakat

CAMALIG, ALBAY—Mga pusikit nang parasalakat an pigtutubodan imbuelto sa paghabas kan mga gamit sa laog kan Church of the Latter Day Saints sa banwaan na ini kan sarong aldaw.

An pahayag ni Francisco N. Solano, first councilor kan Church of the Latter Day Saints, nagsabi na an mga nawara sarong unit na 32” Sony Bravia TV na kantidad P19,000, Dell Computer CPU na kantidad P48,000, asin Sony DVD Player na kantidad P4,500.

An mga parahabas nag-agi sa bintana.

Pinutol ngona an mga rehas na batbat sa bintana, asin mantang nasa laog na, pinasa si salming na pwertahan kan sarong cuarto. Duman nasasaray an mga importanteng gamit kan simbahan.

An pagtubod kan encargado na linaog sinda kan mga parahabas sa pag oltanan kan fecha 13 hasta fecha 16 kan bulan na Augosto.

An Church of the Latter Day Saints pigrerepresentar ni Leonardo Naz, y Perez, mayor de edad, residente kan  Barangay 3, Camalig, Albay.

Siya iyo an Obispo kan nasambit na simbahan.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...