Sunday, August 31, 2014

Tsokolate, causa kan pambabadil sa Ateneo Ave.

NAGA CITY--Mayong kalabanlaban.

Mayong kalabanlaban an sarong residente kan Brgy. Triangulo sa ciudad na ini sa pangapodan kan mga abang sisiram nang tsokolate sa estante kan 7-Eleven Convenience Store-Ateneo Avenue Branch kan sarong aldaw.

Ini an nagtulod sa daing kuwarta pero nagtitilamtilam na chocolate lover na pasikretong ilaag sa saiyang bag an mga paborito niyang pandulce.

Sa saiyang kademalasan, naheling kan alertong gwardiya kan nasabing convenience store an saiyang gibo-gibo.

An guwardiya binistong si Anthony Villanea kan Haring Canaman, Camarines Sur.

Tulos na tinuyaw asin pigsunod ni Villanea an suboot nag-ikit na marikas na naglakaw paluwas.

Mientras nangyayari an komprontasyon, an duwa dinulok kan sarong lalakeng de motorsiklo na nagkurahaw: "Ano yan? Ano yan?"

Dai siya inintindi kan guwardiya na padagos an pagsudya tungkol sa mga dai binabayadan na tsokolate.

Napiritan man giraray an suboot na paraikit na itao an saiyang bag sa guwardiya. Pero matapos kaini, bigla na sanang nagkurahaw an naka-motor na: "Iputok na yan, iputok na yan!"

Marikas na binulnot ni Villanea an saiyang service firearm asin pinaputukan an lalake na nagdulag lunad sa motorsiklo.

Tinamaan nin bala sa lubot an lalaki

Sa paagi kan sarong operasyon, nadakop kan Naga City Police an iridong sospechado na dinara sa Bicol Medical Center.

Ini nangyari poco mas o menos 7:45 nin aga kan sarong aldaw sa Ateneo Avenue, Bagumbayan Sur.

Kaso nin Theft o pag-ikit an inaatubang ngonian kan nasambit na chocolate lover na si Joven Panoy.--BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...