For immediate hiring

For immediate hiring

Thursday, August 14, 2014

Agom na babae, pinokpok batuta kan agom na lalaki, gadan

LUPI, CAMARINES SUR—Nagpoon sana sa iwal nin mag-agom, sarong babae digdi an nadagosan na bawian nin buhay kan siya malamoyoan kan saiyang esposo.

Sa pakihumapot sa mga awtoridad, nagluluwas na si Jocelyn Deocariza y Garcia, mayor de edad, nagadan kan siya rapadohon nin batuta kan saiya man sanang agom, na pigbisto na si Armando Deocariza.

An mga ibestigador nagsabi na yaon an duwa sa saindang cuarto, kan magsilyab an iwal, na nagpoon sa paghapot kan victima kun tano na pirme na sanang burat an saiyang esposo.

An agom na lalaking si Armando Deocariza nagpaliwanag na nagkaigwa sinda nin kaorogmahan kaibahan an saiyang mga amigo.

Dae nakontento kan mga paliwanag kan suspechado, naging mainit an iwal kan duwa, hasta sa magresulta sa brutal nang kurulogan.

Si Jocelyn rinapado nin batuta ni Armando na nagtama sa saiyang payo. Iyo na ini an causa kan saiyang kagadanan.

Alagad, sabi kan suspechado, pinanlingaw siya kaya nagbalos, kan enot siyang sinaksak kan victima.

An suspechado igwa man nin tama nin saksak sa saiyang tulak, mantang an saiyang esposa gatak an bungo kan saiyang payo.

An victima dinara pa kuta sa Sipocot District Hospital, pero an sabi kan mga doctor, mayo na siya nin buhay.

An suspechado dinara man sa Bicol Medical Center para ipabulong an tama sa saiyang estomago, hale sa matarom na kutsilyo.

An mga nag repondeng oficiales kan barangay na sinda Barangay Kagawad Gaudioso Garcia kan Barangay San Ramon, an nag dara sa suspechado sa doctor.

Bilang evidencia kan krimen, pig suko sa mga awtoridad an sarong kutsilyo asin an batota na ginamit sa pagpokpok kan victima.—BICOLSTANDARD.COM
Bicol news | Albay news | Camarines Norte news | Camarines Sur news | Catanduanes news | Daet news
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...