Wednesday, August 6, 2014

Aki na nawawara, nakuang saro nang bangkay sa Bacacay

BACACAY, ALBAY – Saro nang malipot na bangkay an lawas kan sarong 8 anyos aki na taga-Barangay Napao, sa banwaan na ini, na hinahanap kan saiyang mga magurang, 10ng aldaw na an nakaagui.

An saiyang nagrurugnas nang bangkaw nakua, poco mas o menos 150 metros an distancia sa saindang pig eestaran, sa sarong hampas.

An gadan na aki, pigbistong si Laiza Czherina Alfonso, nawawawa poon pa kan Julio 27, susug sa pahayag kan saiyang magurang.

Antes na nakua an saiyang lawas, enot na naheling an sarong ayam na may tabag-tabag nin bitis nin tawo, na iyong nagpakurab-kutab kan daghan kan mga magurang.

An mga awtoridad sa banwaan na ini nagsabi na may suspecha sinda na an bitis na tinabag kan ayam, hale sa parte kan lawas kan nakuang gadan.

Sabin ni Police Senior Inspector Luke Ventura kan Municipal Police Station digdi, nakua an bangkay kan aki na mayo na nin saplot sa ibabang parte kan saiyang lawas.

Pigrecomendar kan mga awtoridad na magkaigwa nin autopsiya sa bangkay kan aki, para maaraman kun siya victima nin krimen o kun ano an causa kan saiyang kagadanan. – BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...