Saturday, August 23, 2014

1 gadan, 3 irido sa kikilat sa Bacacay, Albay

BACACAY, Albay---Sarong persona an gadan mantang tolo an nasa hospital ngonian kan sinda tamaan nin kikilat mantang naghahanda sa pagbale sa ‘maritime procession’ na 36 nang taon ginigibo sa Barangay Cawayan digdi.

Ipinahayag ni Insp. Malou C. Calubaquib, an parataram kan oficina regional kan PNP sa Bicol na binawian nin  si Jerry Ecuenca, 30 anyos, taga Barangay Bilbao, Rapu-Rapu. Mientrastanto sinda Gina Barquilla, 25 anyos asin Reynante Basaca, 10 anyos, pareyo taga Barangay Bulalacao sa banwaan na ini, asin si Domingo Barbe pararehong irido.

Si Ecuenca naghahanda na kuta tanganing birahan an makina kan saiyang motor sa dagat kan tamaan kan kikilat.

Sinda Barquilla asin Basaca na pareyo taga Barangay Bulalacao, nakalunad sa saro man na sakayan kan sinda kikilatan.

Sabi sa informasyon, pigtotokonan na kuta palawod an saindang sakayan hale sa pantalan kan Cawayan kan sinda tamaan kan kikilat.

Sabi ki Calubaquib, sa report na pinaabot saiya, nagkaigwa nin mga lugad asin paso sa saindang mga lawas an mga victima.

Dinara tulos sinda sa Rural Health Unit kan Bacacay.

Alagad, nagdecider an mga miembros kan saindag familia asin an mga awtoridad na darahon sinda sa Bicol Regional Training and Teaching Hospital sa Legazpi City para matawan nin magkakanigong atensyon medical.

An ‘maritime procession’ sa barangay kan Cawayan dinadalaw kan dakul na mga tawo hale sa pagraraid na barangay asin banwaan.

An aksidente nangyari poco mas o menos alas 12:30 kasubagong odto. --BICOLSTANDARD.COM BICOL NEWS

Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...