Saturday, August 23, 2014

2 kritikal, 2 may lugad sa aksidente sa Talisay, Cam Norte

TALISAY, CNorte –Duwa an kritikal sa ospital mantang duwa an may mga lugad sa salpokan nin duwang motorsiklo sa banwaan na ini.

Sinda Darwin Ibana, 16 anyos, Richmond Dasco, 17 anyos, magkasuno sa sarong motorcycle, mantang an nakabanga sainda, iyo si Efren Ubana, 66 anyos, retiradong pulis asin an nakasuno si Loreta Zac, 41 anyos.

An imbestigasyon kan pulis nagsasabi na nagdadalagan an motorsiklo na piglulunadan ninda Ibana asin Dasco sa tinampo sa Barangay Itomang, kan sinda aksidenteng tupahon kan motorsiklo na pigmamaneho man ni Ubana.

An siring na pangyayari nagresulta sa pagsurukamang kan duwang vehiculo asin an mga nakalunad digdi, nag-orosamod pa sa tinampo.

Mas grabeng bakros asin lugad sa payo na sinapo ninda Ubana asin Zac, iyo an rason na dinara sinda sa hospital.

Si Ibana asin Dasco, pareho menor de edad.

Igwa man sinda nin mga gas-gas o bakros sa paa asin lawas. Alagad bako man grabe an mga tama.

An sabi ni Ibana, luway-luway an saindang pagdalagan ta may sinusundan sindang awto na maluya an dalagan.

Bigla na sana suboot sindang nabudalan kan motorsiklo na minamaneho ni Ubana na pigguinikanan kan aksidente.

An mga imbestigador hinagadan guiraray si Ibana asin Dasco kan saindang paliwanag sa nangyari.

An duwa mga estudiante sa sarong law school sa lugar na ini. --BICOLSTANDARD.COM BICOL NEWS.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...