55 anyos na soltero, binadil sa Tinambac

TINAMBAC, CAMARINES SUR—Pig-iimbestigaran pa sagkod ngonian an motibo kan pagbadil gadan kan sarong padre de familia sa Barangay Salvacion digdi.

An mga awtoridad nagdalagan sa pinangyarihan kan krimen, alagad dae na inabotan an responsable sa paggadan kan victima.

An victima pigbistong iyo si Rudy Rodriguez y Milanay, 55 anyos an edad.

Durante kan ginibo an pagsiyasat kan caso, nagluluwas na an victima nagdungaw sa saindang bintana tanganing reparohon kun siisay an nag-aapod na tawo sa tungod kan saindang harong.

Nadangog na sana kan saiyang mga kairiba na igwa nang nagputok na badil na an bala nagtama sa lawas kan victima.

Nareparo kan mga miembros kan familia kan gadan na nagkapirang bala hale sa dae aram na calibre nin badil an pinalagbas sa saiyang lawas. Ini an naging dalan kan pagkagadan tulos ni Rodruiguez.

An mga imbestigador sinabihan kan miembros kan familia kan victima na an nagbadil sarong lalaki na poco mas o menos 5’2” an langkaw asin kurong an buhok. Kan mangyari an krimen, an paragadan naka sulot nin short pants na medyo abohon an color.

Marikas na nagdulag an kriminal pagkatapos gadanon an victima.

An mga awtoridad pigbibilog pa an mga tiniripon nindang informasyon sa imbestigasyon.—BICOLSTANDARD.COM
Camarines Sur news
More Bicol news
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest

Start typing and press Enter to search