Monday, July 7, 2014

Nagtindang droga sa laog kan carcel, dakop sa Sorsogon

SORSOGON CITY—Nahulog man guiraray sa kamot kan mga awtoridad an 2ng tawo na suspechado sa pagpapabakal nin droga sa laog kan Sorsogon Provincial Jail.

An Philippine Drug Enforcement Agency, katuwang an mga miembros kan police digdi, an nag arestar sa mga suspechadong sinda Jorge Lovinia y Vargas, 47 anos, asin Rommel Dollison y de Vera, 37 anos an edad.

Si Lovinia nabistong taga barangay Burabod, Bacon district, mantang si Dollison, taga San Juan, Bacon district man.

Nagluwas sa imbestigasyon na may sarong nagsumbong sa mga awtoridad kan nangyayaring pagpabakal nin droga sa laog kan carcel, kaya binantayan ini kan mga awtoridad.

An duwang suspechado, nag sagin-sagin na madalaw sa carcel, alagad may darang droga na tinago sa saindang lawas.

Nakua sa poder ni Lovinia asin Dollison an nagkapirang sachet nin pigtutubodan na shabu.

Mientrastanto, sa saro pang operasyon kan PDEA digdi, inarestar man si Juvic Elle Perolino. Dinakop siya sa gate 2 kan escuelahan sa Bibincahan.

An mga ahentes kan gobierno nakakua nin nagkapirang gramo nin pigtutubodan na shabu sa suspechado.

An mga inarestar kan PDEA yaon ngonian sa laog kan City Jail.

Nagpaliwanag an mga pigdakop na solamente an pagpabakal kan pinapangalad na droga an saindang hanap buhay.—BICOLSTANDARD.COM
More Sorsogon news
More Bicol news
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Graceland factory stinks; City Hall inaction blamed

Grease-Wastewater Traps. Along Barlin St., Sta. Cruz, Naga City Photo courtesy of Clarito Limjoco NAGA CITY 8/30/17 (Bicol Standard...