Wednesday, July 9, 2014

Nagtitindang marijuana, dakop sa Sorsogon City

SORSOGON CITY – An maigot na kampanya kan mga awtoridad digdi sa pagpoho kan ipinapangalad na droga iyo an naging dalan sa pagkadakop kan sarong persona na haloy nang pigmanmanan.

Si Juvic Elle y Perolino, 28 anyos an edad, residente kan Barangay Bibincahan digdi dae nakadulag kan siya posasan kan pinagsarong grupo kan Philippine Drug Enforcement Agency (PDEA) asin Philippine National Police (PNP).

An team kan PDEA pinanginotan ni PO1 Vandyke Fidelson mantang sa P/Insp Jimmy Medina Pintor an namayo kan pulis sa ginibong buy-bust operation.

Sarong residente kan Barangay Bibincahan an nagsagin-sagin na mabakal nin droga sa suspechado na iyong ginamit na paagui para siya tukloon kan mga awtoridad.

An ginamit na persona sa pagbakal nin droga dinuholan nin sarong plastic sachet na may laog nin alang na dahon nin marijuana.

Narecover sa suspechado an ginamit na marked money sa pagbakal kan ipinapangalad na droga.

An suspechado sinangatan nin casong paglapas sa Dangerous Drugs Act o an Republic Act 9165.

Mantang nadakop siya sa aktong nagpapabakal nin droga kaya siya dinara tulos sa Prosecution Office, para plantearan nang caso. –BICOLSTANDARD.COM
Sorsogon news
More Bicol news
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...