Turuhok nin mata, causa kan pag badil nin 2ng lalaki sa Sorsogon City

SORSOGON CITY—Nagpaparahay ngonian sa hospital digdi an mag-amigong kinursonada nin tulong lalaki na saindang nasabatan sa tinampo.

Sabi sa report, nag-iistoryahan sana man mantang naglalakaw an mag-amigong sinda Reynante Jeresano Labayo asin Ricardo Jeresano Labayo kan sinda makasabat nin tulong lalaki sa tinampo.

Mayo nin kun anong pinonan, bigla na sanang hinapot an duwa kun tano sa mapulot an helingon sainda.

Dae nakasimbag an mag-amigo, ta mayo man sindang maraot naiisip na rason tanganing mag-provoker nin sisay man. Kaya, nagpadagos sinda sa paglakaw.

Mayong aram an duwa na an saindang nakasabatan grabe palan an kapongotan.

Mala, ta sabi sa imbestigasyon, sinunod palan an duwa pasiring sa saindang residencia.

Naaraman sa imbestigasyon kan mga awtoridad na sinda Reynante asin Ricardo nagbakal sana man nin bagas sa haraning tindahan.

Alagad, kan sinda papuli na, pirang metros na lang sa saindang harong, pina-arakasakan na sinda nin bala kan tulong lalaki na nakasabatan ninda.
May mga tama nin bala an duwa, kaya marikas na idinalagan sa hospital.

An insidente nangyari sa Sitio Lantic, Barangay Guinlajon, digdi.

An mga awtoridad naggigibo pa nin hararom na pagsiyasat kan nasambit na incidente.

Nagluluwas na nadgit an tulong suspechado huli ta an saindang pagtubod, liniodan sinda kan mga victima.—BICOLSTANDARD.COM
Sorsogon news
More Bicol news
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest

Start typing and press Enter to search