Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Friday, July 4, 2014

Retired teacher sa Nabua, ginot-got an liog, gadan

NABUA, CAMARINES SUR—Mayong herak na ginadan an sarong gurang na babae sa laog kan saindang residencia sa banwaan na ini por medio nin paggut-got kan saiyang liog.

An mga nagsisiyasat kan krimen nagsabi na an posibleng rason sa paggadan kan victima, iyo an paghabon.

An ginadan pigbistong si Vilia Abaca, sarong retiradong paratukdo.

Nagluluwas sa enot na bareta na an victima pighahanap nin sarong lalaki sa sarong 5 anyos na aki na kaiba kan gurang sa saindang harong.

Binisto an suspechado na si Leo "Bobby" Bonador, residente kan banwaan nin Nabua.

An sabi, itinukdo kan aki an saiyang lola, kun haen siya kan panahon na siya hinahanap.

Nagdecider an lalaki na dumanan an lola, alagad antes na magpasiring sa kinakamugtakan kan gurang, linangob ngona an aki sa saindang banyo.

An krimen nadiscubre ni Marjorie Lorenzo- Abaca, na manugang kan gadan.

Sabi ni Marjorie, naheling niya na nagkakarigos nin dugo an hawak na mayo nang buhay.

Tulos pinaisi kan nangyaring krimen an pulis. Sa imbestigasyon na ginibo, sinasabing pwedeng pananalakat an motibo.

Si PO3 Arnulfo Batacan kan Nabua PNP nagsabi na may mga nawawarang importanteng gamit sa laog kan harong kan victima, kaya nagpaluwas sinda kan siring na pagduda.

Mantang mayong nakabisto kan kriminal, an mga awtoridad pinahiwas pa an saindang pagtipon nin mga informasyon na pwedeng makatukdo kan kriminal.

An victima residente kan Baluyon Proper sa banwaan na ini.—BICOLSTANDARD.COM

Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...