Wednesday, July 9, 2014

1 gadan, 1 irido kan badilon, tagaon sa Mobo, Masbate

MOBO, MASBATE – Haros dae na naghuhuraw an mga incidente nin mga makangirhat na krimen sa provinciang ini sa hurohalawig nang panahon.

An pinakabagong incidente nangyayi sa Barangay Lalaguna sa banwaan na ini.

Basado sa record kan pulis, an mga victimang sinda Jason Danao, Albino Macadat y Balatucan asin Ryan Danay y Cervantes, nagtuturog sa harong kan saindang lolohon na si Pido Danao kan mangyari an krimen.

An sabi sa report, an suspechadong pigbistong si Arlene Oliva y Gigante, 46 anyos, may agom asin kabarangay kan mga victima an nagsurong sa pigtuturogan na harong kan mga victima.

An suspechado, kan salakayon an harong kan mga victima, may darang homemade na shotgun asin naka hios nin tabak sa saiyang habayan.

Pag-abot suboot kan suspechado, pinalusot sana kaini an puro kan saiyang shotgun sa pwerta kan harong na pigtuturogan, asin tulos pinapusngakan nin bala an mga victima.

Nagadan tulos si Jason Danao kan bala hale sa badil ni Oliva.

Mientrastanto, dae pa nakontento, naglaog pa si Oliva sa harong, asin winasiwasan nin tigbas si Jason Danao asin si Albino Macadat. Nagkapirang lugad an saindang sinapo sa manlaenlaen na parte kan lawas.

An saro pa nindang kaibahan na si Ryan Danao, nakalukso, dagos nang nagdulag tanganing makasalvar.

Si Albino asin Macadat nakalibre sa kagadanan asin pigbubulong ngonian sa hospital.

An mga nag-imbestigar na mga awtoridad nakakua nin mga evidencia hale sa pinaputok na shotgun asi iba pang ginamit sa krimen.

An suspechadong si Arlen Oliva nagsuko sa mga awtoridad.— BICOLSTANDARD.COM
Masbate news
More Bicol news
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...