Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, July 24, 2014

Lider kan Sako Gang sa Masbate, dakop

MILAGROS, MASBATE—Inaresto kan pinagsarong fuerza kan Milagros Municipal Police Station, RID Operatives, Masbate Provincial Police Office asin Criminal Investigation and Detection Group (CIDT) Masbate kasoodma an pinagcoconsiderar na Number 2 Most Wanted sa banwaan na ini.

An suspechado na iyo si Antonio Del Rosario, alias “Ronnie del Rosario” o “Panoy,” 27 anyos, saro sa mga ipigtukdong lideres kan Sako Gang.

Maroromdoman na an “Sako Gang” binansagan kan siring na pangaran nin huli ta parati suboot piglalaag kan mga miembro kaini an mga hinabonan, arog kan manok, sa sako.

Si Del Rosario rinamalan poco mas o menos alas 4:30 nin aga sa Sitio Punta Tigbao, Brgy. Magsalangi sa banwaan na ini, kun sain siya temporaryong nag-iistar.

An pag-aresto pinangenotan ninda PSinsp Ariel S. Artillero asin PCInsp Edgar Q. Balagso.

An suspechado igwa nin tolong mandamiento de arresto sa kasong panggadan na ipinaluwas ni Judge Nilo B. Barsaga, kan RTC Branch 46, Masbate City, asin Judge Pazlinda Villamor-Sanchez kan RTC Branch 44.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...