Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, July 9, 2014

Nasahotan na “mata” kan military, binadil sa Monreal, Masbate

MONREAL, MASBATE –Pigtutubodan na mga rebeldeng miembros kan New People’s Army (NPA) an responsable sa pagdukot asin paggadan kan sarong residente kan barangay Guinhadap digdi.

An victima iyo si Jessie Esparas y Habla, 48 anyos an edad, may agom asin sarong parasira.

An mga awtoridad na nagsiyasat kan pangyayari nagsabi na si Esparas fuersahan na kinua sa saindang residencia nin mga dae midbid na mga tawo.

Hale sa saindang harong, ginodgod an victima sa sarong lugar na an distancia, poco mas o menos 150 metros paghale sa saindang harong.

Mantang mayo man nin testigo na nakaheling kan pangyayari, pigtutubodan na ginadan an victima por medio nin tama nin badil, na an bala naglagbas sa saiyang lawas.

Si Esparas, suboot sinahotan kan mga armadong rebelde na “asset” kan mga awtoridad.

Siya iyo an pigtutubodan suboot kan mga rebelde na nag giya sa ginibong pagdakop ki Divina “Tiying” Lubiano.

An mga miembros kan pulis sa banwaan na ini nagpapadagos pa sa paghanap nin mga informasyon na may relasyon sa incidente. –BICOLSTANDARD.COM

Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...