Friday, July 11, 2014

Iwal nin aki sa tinagong tsinelas, 1 gadan

LEGASPI CITY—Nin huli sana sa nawawarang tsinelas, sarong Grade 5 pupil an nagadan.

Si Teresita Toledo, an ina kan victima, isinaysay an mamundong nangyari sa saiyang aking si Angelo, kan ini bawian nin buhay.

Sabi ni Toledo, kan sarong aldaw, si Angelo kaibahan kan saiyang mga barkada, nagkatuparan sagkod an suspechado sa may parke digdi, asin nagkarawat.

Dae naghaloy, nagkaigwa nin diskusyon. An dae pagka-irintindihan nagpoon kan sahotan kan suspechado an victima na iyong nagtago kan saiyang tsinelas.

An victima nagnegar ta bako man siya nagtago kaini.

Naka-abot sa punto na nagkapikunan sinda, na nahulog sa pag-aragyatan nin suntokan.

An sabi, an victima iyo an enot na nag-agyat na magsuntokan na sana sinda.

Mantang nagdidiskusyon an duwa, an suspechado nagpurot nin gapo, na iyong ginamit na armas para gapoon an victimang si Angelo.

Kan panahon na butasan kan suspechado an gapo, si Angelo nakatalikod pa, kaya tinamaan siya sa loong.

Nakamate nin pagdiklon nin pagheling an victima kaya naghagad nin tabang na darahon sa pampublikong hospital.

Makalihis an aldaw, dinara si Angelo sa privadong hospital para sa CT Scan, orog na kan siya mawaran na nin pagkatawo.

Sa CT Scan, naheling na nagkaigwa palan nin internal haemorrhage sa payo kan victima, na nag causa kan saiyang kagadanan.

An mga magurang kan victima asin kan suspechado nagkaigwa na nin pag-irintiendihan dapit sa mga gastos asin danyos sa kagadanan ni Angelo.



Mientrastanto, an suspechado, yaon ngonian sa poder kan Women and Children’s Protection Desk, huli ta menor de edad.—BICOLSTANDARD.COM
Albay news
Bicol news
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...