Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, July 24, 2014

Tinaga, gadan sa Jose Panganiban, Cam Norte

JOSE PANGANIBAN, CAMARINES NORTE—Pigdeclarar na mayo na nin buhay si Gener de la Cruz y Villar, 35 anyos an edad kan siya darahon sa Municipal Health Office (MHO) kan banwaan na ini.

Si de la Cruz, sabi sa imbestigasyon, victima nin krimen na nangyari sa barangay Dayhagan digdi.

An mga awtoridad nagpahayag na an victima tinaga kan suspechadong si Randy Citon y Fellone, 28 anyos an edad, asin residente kan Barangay Daghagan.

Susug sa pagsiyasat, antes mangyari an incidente an victima naheling kan sarong testigo na si Melchor de Jesus y Citon, na nakikipag-inoman sa suspechado na si Randy Citon y Fellone asin sa sarong pang persona na nabisto sa pangaran na Reynante Opeda y Espanol.

Si Opeda miembro kan barangay tanod sa barangay na ini.

Antes kan incidente, sinabi kan testigo na nakadangog sinda nin makusog na kurahaw na “may nagtatagaan, may nagtatagaan.”

Ini an nagtulod ki Melchor de Jesus na magdalagan sa lugar kan krimen.

Kan makaabot sa lugar, naheling kan nagrespondeng mga awtoridad na nakahigda na sa daga an victima, asin may tama nin taga.

Tulos dinara sa Municipal Health Office (MHO) an victima, asin siya pigdeclarar na mayo nan in buhay.

An suspechado nagsuko man tulos sa mga awtoridad, dara an ginamit na armas sa pagtaga kan victima.-BICOLSTANDARD.COM
Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

Drug lab query continues

Committee on Dangerous Drugs points to more inconsistencies VIRAC, Catanduanes 2/27/17 (Bicol Standard)—The House Committee on Dange...