For immediate hiring

For immediate hiring

Thursday, July 24, 2014

Holdupper sa van sa Masbate, nadakop

CATAINGAN, MASBATE—Inubos agawon kan 3ng pasaherong holdupers an mga personal na gamit asin cuarta hale sa mga nakalunad sa sarong Hi-Ace Commuter Van na may rotang Masbate City - Placer.

An incidente nangyari mantang nagdadalagan sa national road sa barangay Pawican an awto. Fuersahan na inagaw kan holdupers an manebela sa driver, segun sa report.

An van na imbuelto digdi may pangarang Crab King, na may temporaryong plaka na YDO 154.

An driver iyo si  Almario, Jr. y Merino.

An imbestigasyon kan pulis nagsasabi na an 3ng suspechado armado nin haralipot na badil, na iyong ipigtutuk sa mga victima.

Sinda nag sagin-sagin na mga pasahero kan sinda magpara asin mag lunad sa van pasiring sa direksyon kan Masbate City.

An mga victima iyo sinda Lilibeth Quitoriano, sarong paratukdo, Eddie Quitoriano, empleado kan lokal na gobierno kan Placer, Maria Chrisna San Jose, estudiante, asin Leticia Feliciano, na 75 anyos na an edad.

Basado sa imbestigasyon, an saro sa mga suspechado pirit inagaw an manebela sa driver kan van, asin iyo nang nagpadalagan kan awto pasiring sa direksyon kan Masbate City.

Mantang harane na sa ciudad, an tulong suspechado naglampaw na sa awto, asin dagos nang nagdurulag.

Nakua kan mga holduppers hale ki Lilibeth Quitoriano an kantidad P10,000; ki Maria Chrisna San Jose, P1,400; asin hale ki Leticia Feliciano, kantidad P5,400.

Sa follow-up operation kan pulis nakarecover sinda nin cal.357 Magnum (paltik) na may markang S&W, mayo nin serial number, asin limang bala pa sa nasambit na badil. An badil nadukayan sa likod kan harong na pig-oocupar ni Cherryl Lerio Francisco.

Saro sa mga suspechado pigbistong iyo si Boboy Magbanua y Francisco na taga Barangay Pena, Cawayan, Masbate.

An mga awtoridad digdi nag tarabang na sa posibleng pagkadakop kan iba pang imbuelto sa krimen. –BICOLSTANDARD.COM
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...