Wednesday, July 2, 2014

Lalaki nakuang nakabitay

GUBAT, SORSOGON—An mga awtoridad sa banwaan na in an nadidifisilan na tugkadon an hararom na problema kan sarong lalaki na nakuang nakabitay an saiyang lawas asin mayo nang buhay.

An mga parientes mismo kan victima an dae makapagsabi kan rason sa pagpatiwakal ni Ricky Engira y Kapsa na taga Sitio Tangki, Barangay Ariman, sa banwaan na ini.

Sa ginibong pagsiyasat kan mga awtoridad, bigla na sanang naglayas sa saindang harong si Engira, na mayo lamang nin senyales na igwa siya nin magabat na problema sa buhay.

Si Engira na 40 anos na an edad, dae man nahelingan na may dakulang problema sa saiyang buhay. Ini an rason kun nata ta ikinabiglang maray kan saiyang mga partidaryos kan makua an saiyang lawas na saro nang malipot na bangkay.

An mga imbestigador kan pulis mayo nin naheling na senyal na victima siya nin krimen, ta mayo lamang nin maheheling na mga pasa sa saiyang gadan na lawas.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...