Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Saturday, July 12, 2014

Lider nin militanteng grupo, binadil sa Daraga

DARAGA, ALBAY — Pagkahilis nin tulong oras na pakilaban sa kagadanan, binawian man guiraray nin buhay si Edgardo Lopez, taga Barangay Bigao, sa banwaan na ini.

Nagluluwas sa pagsiyasat na si Lopez, midbid na lider nin mga militanteng grupo,  pina-arakasakan nin bala hale sa dae midbid na lalaki, mantang nagtitinda nin tinapay, amay nin aga, kasoodma.

An parabadil solo na nakasakay sa morociclo na mayo nin plaka.

Mientrastanto, mantang nasa emergency room an victima, pig-aragaw-agaw pa man kuta an saiyang buhay.

Alagad huli sa haros lagbas sa saiyang lawas an mga tama nin bala, kaya binawian siya nin buhay.

An mga autoridad nagpahayag na gusto nindang pararomon an imbestigasyon para maging malinaw an resulta kaini.

Si SPO1 Cynthia Sallan nagsayuma na magtao nin dagdag na detalye kan pugol nang mga informasyon, para mientras na  nagtutubod an mga awtoridad  na may posibilidad na baad may makatukdo pa kan posibleng responsable kan krimen.

An victima bistong maray sa lugar na ini na maboot na tawo.Pero, maisog na nakikipaglaban sa causa kan mga kasaraditan.


An mga miembros kan saiyang familia naghahagad nin hustisya sa nangyaring brutal na pag gadan sa victima. — BICOLSTANDARD.COM

Albay news
Bicol news
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...