Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, July 10, 2014

Catanduanes, naghagad nang tabang sa Palasyo

Nangangapodan na an islang provincia kan Catanduanes sa gobierno nacional na kun pwede surogon na sinda kan makuring problema sa kuryente sa saindang lugar.

An pinakabagong pangapodan nagluwas pagkatapos na hagadon kan mga miembros kan Sangguniang Panlalawigan na an enterong provincia kan Catanduanes i-declarar na nasa lindong kan state of calamity huli kan problemang ini.

Sabi sa sumbong kan mga taga-Catanduanes, duwang bulan na sindang nag sasapo nin 20ng oras na rotating brownout oro-aldaw.

An General Manager kan First Catanduanes Electric Cooperative (FICELCO) na si Samuel Laynes nagsabi na an saiyang oficina binabaha nin mga reklamo huli sa problema.

An mga negosyante, sa ibong na lado, naghagad naman nin tabang sa gobierno nacional dapit digdi.

“An samuyang negosyo afectado nang maray. An tourism business, lugmok na. An mga eskwelahan, food retailers, gabos nang nag-aagrangay,” sabi ni Laynes.

Hinahagad kan mga oficiales kan provincia na matabangan sindang matawan nin solusyon na magdadanay sa halawig na panahon.

An saindang pangapodan, bako sanang pigpaabot ki Department of Energy Secretary Jericho Petilla, alagad mismo ki Presidente Benigno Aquino III.—BICOLSTANDARD.COM

Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...