Wednesday, July 2, 2014

Grade 2 pupil, nalamos sa kalot kan poso negro

CASTILLA, SORSOGON—Dae pighuna kan magurang kan sarong Grade 2 pupil sa Dinapa Elementary School na an saiyang padaba na aki madidisgracia sa sarong kalot na gustong gibohon na kaselyasan kan escuelahan.

An aki, na nabisto sa pangaran na Alvin Mabini, nag-oli na sa saindang harog pagkatapos kan saiyang pag-eskwela, alagad nag luwas giraray tanganing magkawat.

Poco mas o menos alas 6:00 na nin banggui kan magkasiribot an saiyang magurang, huli ta nagdidiklom na, mayo pa giraray si Alvin.

Digdi nagpoon nang magtarabang sa paghanap an gabos na miembro kan familia.

Nalibot na kan saiyang mga magurang an mga posibleng dumanan ni Alvin, pero dae siya nakukua, kaya-orog pang nagdakol an mga tawo na nagtarabang sa paghanap saiya.

Madiklom na an banggui kan nadiskubre na an aki nahulog palan sa kalot na gustong gibohon na poso negro sa likod kan eskwelahan.

Huli kan makusog na bulos kan oran antes mangyari an incidente, an kalot nagkaigwa na nin tubig, asin digdi nalamos si Alvin.

Tulos ipinaabot kan mga nanonungdan sa namamayo kan Dinapa Elementary School an pangyayari.

Afuera kan promesa kan mga paratukdo sa eskwelahan na matabang sinda sa pagpahumali kan victima, binugtakan ngona nin olang an kalot para dae nang madisgracia sa nasambit na lugar.—BICOLSTANDARD.COM
More Sorsogon news

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...