Thursday, July 24, 2014

Harabasan, padagos sa Albay

ALBAY—Nagkapira na naman na insidente nin panhabas an nairecord kan mga autoridad digdi kan mga nakaaging aldaw.

Sa banwaan kan Daraga, nadakop an duwang suspechado mantang nasa acto nin pagkua kan sarong cable kan telepono hale sa poste kaini.

Binisto an mga suspechado na sinda Joseph Bongon y Bitancur, 36, asin John Niño Pingon y Macalla, 20, parehong residente kan Legazpi City.

Sinda nadakop kan alas dose nin odto kan sarong aldaw ni Chief Tanod Cesar M. Atos asin Barangay Tanod Alex M. Mayor kan Barangay Tagas, Daraga.

Ipigtao na kan nasambit na mga tanod an cable sa Daraga Municipal Police Station, kun sain ipigpepreparar na an reklamo kontra sa mga suspechado.

Sa parehong banwaan, dinakop an sarong suspechado sa panhabas kan sarong padyak mantang nakalunad digdi an nasambit na suspechado.

An suspechado iyo si Danilo Batalla y Arisano, 34, asin residente kan Barangay Kilicao, Daraga.

Sinabi sa report kan pulis na rinamalan an suspechado ninda Barangay Kagawad Giovanni Requerque y Magayanes kan Barangay Maroroy, Daraga, asin Fernando Ibarra y Mendevil, kan Barangay Kilcao, Daraga.

Si Ibarra iyo suboot an driver kan pedicab na pagsasadiri ni Glenn Altabano y Lorino, 53, kan Poctol, Barangay Maroroy, Daraga.

Mientrastanto, sa Tabaco City, sarong 3SM asin 2SM na battery asin sarong battery charger an suboot nadiscubreng nawara sa Tabaco City Hall.

Sa inisyal na imbestigasyon, nagluwas na an suspechado, na dai pa nabibisto, posibleng naglaog hale sa pwertahan sa likod kan Tabaco City Hall.—BICOLSTANDARD.COM
Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...