16 anyos na daragita na rescue sa hotel, 4 na lalaking kaiba may darang droga

NAGA CITY –Nabawi kan pinagsararong miembros kan Criminal Investigation and Detection Team (CIDT) asin kan Camarines Sur Provincial Public Safety Company (CSPPSC) an 16 na daragita sa sarong rescue operation na guinibo sa Golden Leaf Hotel, sa Micericordia St., Barangay Tinago, sa Ciudad na ini.

An babae na itinago sa pangaran na Francia (bakong tunay na ngaran) na pirang aldaw nang hinahanap kan saiyang mga magurang.

Susug sa informasyon kan ina, napiritan na siyang magsumbong sa mga awtoridad huli ta grabe na an saiyang paghadit kan kamugtakan kan saiyang aki.
Bilang resulta kan pinag sarong operasyon, inabotan sa laog mismo kan cuarto kan hotel iyo si Francia asin an apat na suspechado na sinda (1) Jhon Josua Abad y Perua, 22 anyos, taga St. Jude Barangay San Felipe, Naga City, (2) Jarin Ortua Riazon, 21 anyos, residente kan No. 17 Camachili St. Liboton, Naga City (3)Jun-Jun Lopez y Luntago, 19 anyos, taga Barangay 5, Purok 7, Bagasbas, Daet, Camarines Norte; asin (4) Phil Alfred Atos y Patungan 21 anyos, taga No. 186 Zone 5, Tabuco, Naga City.

Nagluwas sa bareta na an ina mismo ni Francia an nakakua nin informasyon na an saiyang daragita  naheling na naglaog sa hotel, kaibahan an apat na mga lalaki.

Naglaog sinda sa Room No. 203, sa ika duwang eskalon kan Golden Leaf Hotel.

Kaibahan kan ina an rescue team, linaog kan grupo an nasambit na cuarto.

Inabotan sa laog si Francia, kahampang an apat na lalaki na enot nang sinambit an mga pangaran.
Nakua sa poder kan mga lalaki an minasunod: (a) 1 plastic na sachet na may laog nin pig tutubodan na Methamphetamine Hydrochloride , na mas bisto sa apod na “shabu”; (b) 2nd pcs na tooter na may laog nin dahon marijuana; (3) 3ng pidasong disposable lighter; (4) 35ng pcs na plastic sachet; (5) 1 gunting (6)2ng naka rollong alluminum foil (7) 1 papel na sangribong pesos (8) 2ng papel na 500 pesos (9)10ng pcs na 100 pesos(11) 3ng pcs na papel na 50 pesos (12)1 pc na 20 pesos.

Igwa pang nakuang Cellphone na may trade mark na Samsung, 1ng Cherry Mobile, camera, asin ball pen.
An mga nagkadarakop dinara man tulos sa hepatura kan pulis para sangatan nin magkakanigong caso.
An daragita inabotan kan mga awtoridad sa laog nin sarong hotel sa barangay Tinago, kaibahan an tulong lalaki na sinasahotan imbuelto sa pagpabakal nin droga. -- BICOLSTANDARD.COM

Start typing and press Enter to search