Thursday, June 12, 2014

Sorsogon police na duty sa may Barcelona Church binadil

SORSOGON — Habo pang maghuraw an serye nin krimen sa provinciang ini, na an mga napipiling victima, pulis asin miembro kan militar.

An pinakabago sa serye nin mga incidente nangyari sa banwaan kan Barcelona, na an ginadan si PO2 Christopher Escreza.

Mayo pang itinutukdo na responsable sa krimen, mantang an mga tawo na pwedeng nakaheling kan paggadan, may pagduwa-duwa na mag-ayuda nin informasyon na makakataong tabang sa paghanap kan kriminal.

Sabi sa report, si PO2 Escreza nakatindog sa atubangan kan Barcelona Church kan siya paputokan kan tirador kan krimen.

An parabadil nagposisyon na harane sanang maray sa victima.

Si P/Supt Bernard Banac, Provincial Director kan PNP digdi nagsabi na yaon sa saiyang trabaho si Escreza kan siya gadanon.

Dae pa sana nahahaloy, si Dante Buentes, hinipaan, dagos ginadan sa barangay Vinisitahan, Donsol kan fecha 8, ngonian na bulan.

Kan Hunyo 10, an 2nd Infantry Battalion kan Army an nagreport kan paggadan ki Rene Madrona, na tawohan ninda.

An mga rebeldeng miembros kan New People’s Army (NPA) nag-ako kan responsibilidad sa paggadan ki Madrona asin Escreza.

Sa mga nagmamasid, an mga rebeldeng NPA asin an mga pulis pati an militar digdi an haloy nang nagbabaralosan, por medio kan saindang kanya-kanyang operasyon.

Mientrastanto, apisar kan mga nasambit na report, an pulis nagtitipon pa guiraray nin dugang na mga evidencia para sa pigmamawot na justicia sa parte kan mga victima.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...