Monday, June 23, 2014

Miembro kan CAFGU, binadil gadan sa Presentacion

PRESENTACION, CAMARINES SUR—Poco mas o menos 15ng miembro kan CPP-NPA-NDF an suspechado sa pambabadil, gadan kan sarong miembro kan Citizen Armed Force Geographical Unit (CAFGU) sa Sitio Buhang, Barangay Lidong sa banwaan na ini.

Binisto an victima na si Oscar Cuadro y Alarcon, 25, residente kan Barangay Maangas sa banwaan na ini, asin naka-detalye sa 22nd Infantry Batallion.

Sa report kan autoridad, sinabi na an victima, mantang off-duty, nag-atender nin kaorogmahan sa kafiestahan kan Barangay Lidong bandang alas 3 nin hapon kan fecha 20 kan Junio.

Kan magbalik an victima sa trabaho, ini suboot dinakop kan nasambit na mga miembro kan CPP-NDA-NDF.

Nakua an hawak kan victima na tadtad nin mga bala kan nagsunod na aldaw ninda Barangay Kagawad Dominador S. Magtangob kan Barangay Lidong, Presentacion, asin Barangay Tanod Erwin P. Alfon. An hawak dinara sa Presentacion Municipal Police Station.

Sa presente, nagcoconducir pa nin imbestigasyon an Presentacion Municipal Police Station sa nasambit na pambabadil.—BICOLSTANDARD.COM

Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...