Invitation for Bids

Invitation for Bids

Job Posting

Job Posting

Saturday, June 21, 2014

Criminals riding-in-tandem arestado sa Ocampo

OCAMPO, CAMARINES SUR—Orog pang hinigotan kan mga awtoridad an saindang kampanya contra sa ano man na forma nin krimen sa bilog na provincia kan Camarines Sur.

Susog sa pinakahuring despacho , duwang lalaki na parehong nakasukbit nin badil an napugol kan pinagsarong fuerza kan PNP asin CIDG, mantang nagpapadalagan kan saindang dae rehistradong motosiklo sa banwaan na ini.

Sabi, huli kan parateng pag-operar kan mga inaapod na criminals riding-in-tandem, an nasambit na mga awtoridad nagbugtak nin check points sa mga piling lugar na parate agihan kan mga marigsok an isip sa paggibo nin krimen.

Huli kan kampanyang ini, nadakop sinda Oliver Raymundo y Solmerano, 32 an edad, kasuno sa motorsiklo si Artemio Renta y Moico, 39, may-agom, parehong taga Balatas, Naga City.

An driver na si Raymundo mayong lisensya sa pagmaneho.

An incidente nangyari poco mas o menos alas 4:20 nin hapon kan Junio 20 sa Poblacion West sa banwaan na ini. An gamit ninda motorsiklo na Motorstar na mayo nin plaka.

Mientrastanto, nakua pa sa saindang poder an tig-sarong sukbit na calibre .38 na revolver na may trade mark na Smith and Wesson, alagad paltik. Igwa man ini nin tiglimang bala.


Huli kan siring na pangyayari, an duwa maatubang nin kaso criminal sa pagdara nin mayong lisensiyang badil, asin iba pang reklamo arog kan pagmaneho na mayo nin lisensiya asin dae rehistradong motorsiklo. –BICOLSTANDARD.COM 

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Besinio is new Baao mayor

BAAO, Camarines Sur –The Department of Interior and Local Government Regional Office in Bicol has officially served the dismissal order...