Thursday, June 26, 2014

Rep. Sal Fortuno pursigido gibohon si Nora Aunor na National Artist

NAGA CITY – Dapat surogon kan gabos na Bicolano si Nora Aunor bilang tunay na National Artist ngonian na taon.
Nora Aunor
Nora Aunor (Retrato: Wikimedia Commons)
Iyan an mensahe ni Congressman Sal Fortuno kan 5th District kan Camarines Sur, bilang reaksyon sa desisyon kan Palacio Malacañang na puraon an pangaran kan Bicolanang artista, sa mga recomendado na tawan prestigiosong  honra kan sarong aldaw.

Si Aunor, kabale  sa halipot na listahan na idinuhol ki Presidente Aquino kan selection committee, na natukahan magserne kan mga pwedeng  maging  National Artists para ngonian na taon.

Mayo nin paliwanag an Malacañang, alagad basang na sanang hinale an saiyang pangaran sa lista, mayong pusog na basehan asin rason.

Si Nora, pigbabansagan na “Superstar” sa industriya kan television asin pelicula, aram kan gabos na  propiong taga-Iriga City, an ipigrerepresentar na distrito ni Fortuno.

Mientrastanto, si Fortuno, congressman kan Rinconada, nagpahayag na si Aunor bako man lang orgullo kan Rinconada asin kan Bicol, kundi kan bilog na nasyon. 

Sa record kan estorya kan industria kan mga pelicula asin television, si Nora Aunor, iyo an may pinakadakol na narecibeng  premyo bilang artista asin entertainer.

An mga lokal na personalidad arog ka Kristian Cordero, na sarong Palanca Awardee, parasurat asin indie film director nagsadol sa mga Bicolano na ipadangog an saindang boses contra sa makulog na desisyon kan Malacañang dapit sa bagay na ini.

Nasa frentera kan mga naglalapigot nagibohon National Artist si Aunor iyo an saiyang mga gurangan na taga hanga, na miembros kan grupong  Nora Aunor Forever.

An pinakabagong miembro digdi iyo an bantog na editor asin columnist sa mga lokal na peryodiko na si Emil Saavedra, Jr.


Sabi ni Saavedra, mahiro na siya asin an saiyang grupo tanganing magkalap nin 1 milyon na firma para makombensir si PNoy na gibohon si Aunor na National Artist. –EGV/BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...