Saturday, June 7, 2014

No. 7 most wanted sa Bicol, nadakop na

MOBO, MASBATE—Nahulog na sa kamot kan mga awtoridad an sinasabing ika-7 na most wanted na persona sa Bikol na igwa nin mandamiento de aresto hale sa Regional Trial Court.

Mobo, Masbate
Sa report kan pulis, dinakop kan saindang pinagsarong fuerza si Ronnel Arquillo, 35 anyos, sa Barangay Poblacion digdi

Si Arquillo, midbid na miembro kan rebeldeng New People’s Army (NPA). Siya bisto man sa alyas na Ka Japon asin Ka Noli.

Sa nagunong informasyon, si Arquillo halangkaw an katungdan sa NPA, mala ngani ta siya sinasabing oficial kan Regional Executive Committee kan NPA sa Bicol.

An pagdakop ki Arquillo nangyari por medio kan warrant of arrest na firmado ninda Judge Sancho Dames II kan Regional Trial Court Branch 38, asin Judge Arnel Dating kan RTC Branch 41, anas sa Daet, Camarines Norte.

Siya may pig-aatubang na mga casong pang-gagadan o murder asin attempted murder.

Huli kan gabat kan caso, may nakapatong na premyong kantidad P800,000 sa sisay man na tawo na makakatokdo saiya, tanganing madakop, buhay o gadan.

Si PNP Regional Director Police Chief Supt. Victor Deona nagsabi sa media na si Arquillo dinakop sa saiyang safehouse, sa Poblacion, Mobo, Masbate, poco mas o menos alas 9:30 nin aga, kan sarong aldaw.—BICOLSTANDARD.COM
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...