Monday, June 16, 2014

Tindahan sa Minalabac, hinabonan

MINALABAC, CAMARINES SUR — Tolong dai pa nabibistong persona an pigtukdong suspechado sa panhabon sa sarong tindahan sa Barangay Mataoroc sa banwaan na ini.

Sa report na ipinaabot sa BICOL STANDARD, an mga suspechado nagsakay sa pulang Honda XRM na motorsiklo na daeng plate number. An driver kaini nakasulot nin full-face helmet mantang an duwang back rider tinakopan an lalawgon gamit an sunglasses asin panyo.

Tinutukan ninda suboot nin badil an nagbabantay sa nasambit na tindahan poco mas o menos alas 12:35 nin odto kasoodma.

Linalay kan mga ini an mga minasunod: sarong HP Mini na laptop, sarong Cherry Mobile na cellphone, asin Globe Broadband Internet stick.

Dinugang pa sa report na an mga suspechado duminulag pasiring sa banwaan nin Pili.

Sa presente, nagcoconducir na nin follow-up operation an Minalabac Municipal Police Station sa nasambit na panhabon. – BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...