Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Friday, June 20, 2014

4 na para jueteng, kinasohan sa Malilipot

MALILIPOT, ALBAY—4 na tawo an dinarakop kan pinagsararong fuerza kan Criminal Investigation and Detection Group (CIDG) asin Philippine National Police sa banwaan na ini, na sinasahotan imbuelto sa sugal na jueteng.

Ini an sabi ni P/Insp. Millard Bongalon, asin ni P/Insp. Bernard Lao, kan CIDG, sa saindang accomplishment report na ipinadara sa oficina regional kan PNP.

An sabi sa report, haloy nang nag-ooperar an nasambit na illegal na sugal digdi.

Alagad kasoodma sana na tyempohan na maripol kan mga awtoridad. An mga imbueltong persona iyo sinda Roger Benitez, 61 anyos, may agom; Rodolfo Donor, 64 anyos, may agom; Hermes Baral, 56 anyos.

Anas sinda taga Barangay San Jose, sa banwaan na ini, mantang an saro pa sa pag-iriba iyo si Giovanni Barcelona, 24 anyos, residente kan Barangay Sta Teresa.

Kan ma-aprehendir sinda, nakua sa sainda poder an mga papelitos na gamit sa sugal na jai-alai. An mga papel na gamit sa jai-alai may nakasurat nin man iba-ibang combinasyon nin numero, na iyo an mina-representar kan taya kan mga imbuelto sa sugal.

Afuera kan mg tayaan na papel sa jai-alai, may naconfiscar pa an mga awtoridad nin kantidad P1,345.25 na cuarta, na iba-iba an denominasyon.

Bilang follow-up kan casong ini, dinara na kan mga awtoridad sa oficina kan Provincial Prosecution duman sa Tabaco City an reklamo, tanganing isangat an caso.

Sinda anas maatubang nin casong pagbalga sa PD 1602, na pig-enmiendahan kan RA 9287.

Ini an ley na nagkakastigo sa mga imbuelto sa sugal na jueteng.

An lambang saro sainda pwedeng magfianza nin kantidad P20,000 para sa saindang temporaryong libertad.

Si Prosecutor Jennifer Balleras an nagfirma kan akusasuyon contra sainda.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...