Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, June 12, 2014

Pag-imon, ipigtukdong causa sa paggadan

LIBON, ALBAY— Posibleng “love triangle” an rason sa paggadan ki Eduardo Merced, elihidong consejal sa barangay Maramba, Oas, Albay.

Ini an pigsisiyasat na motibo sa likod kan makangirhat na krimen, na nagtapos kan buhay kan oficial kan barangay.

An mga miembros kan pulis sa bawaan na ini, nag-oogid pa kan ibang mga posibleng motibo kan paragadan,huli ta mayo pang malinaw na evidencia na pwedeng magtukdo kan responsible sa krimen.

An pugol na resulta kan imbestigasyon nagsasabi na binisita kan victima an saiyang kasaroan na si Jemma Sasutuna, 45 anyos, sa saindang residencia sa Barangay San Jose, Oas.

Mantang naghahalat si Merced sa sala kan harong kan babae, nagkapirang putok nin badil an nadangod, asin pirang minutos an naka-agi, naheling na sanang an victimang si Eduardo Marced na nagkakarigos nang dugo.

Walong baseyo nin bala hale sa calibre .45 an napurot kan mga imbestigador sa lugar kan krimen.

An ilog hale sa baseyo iyo an nagtadom sa lawas kan gadan.

Tulos nagadan si Merced sa pinangyarihan kan krimen.

An mga awtoridad nagrereparo pa kan ibang mga anggulo kan paggadan sa victima.

Sa entrevista, sinabi ni SPO2 Segundino Roman, Sr., kan Oas PNP na makusog an saindang pagtubod na makuring pag-imon an causa kan kagadanan kan victima.

An pagsiyasat kan mga awtoridad nagpupuntariya na si Jemma Sasutana, na kasaroan kan ginadan, haloy na man suway sa saiyang tunay na agom.

Si Merced balo.—BICOLSTANDARD.COM
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...