Friday, June 13, 2014

Sinasahotan parabariwas nin shabu sa Libmanan, arestado

LIBMANAN, CAMARINES SUR—Nagbubunga nin positibong resulta an mayong hotahot na kampanya kan mga miembros kan pulis sa banwaan na ini.

An Libmanan na susug sa confidential report hale sa PDEA kabale sa mga lugar na kadakul an mga paratinda asin paragamit kan pinapangalad na droga, luway-luway nang nakakabangon huli sa mayong kapagalan na kampanya kan mga awtoridad.

Afuera kan saindang mga buy bust operations, hinihigosan na maray an mga awtoridad sa pagserve kan mga mandamiento de arresto asin pag-implementar kan mga search warrants kan mga imbuelto sa pagpabakal nin droga.

Laen pa digdi an iba pang klase nin krimen.

Si Police Supt. Vicente Costales Marpuri, Jr., an pamayo kan PNP digdi, nagpahayag na dinakop ninda si Joseph Boy y Comia, sa barangay San Isidro.

An personang ini, na suboot sarong dakulang pangaran sa drug trade, iyo an pigtutukdong supplier kan nagkukuriyat na shabu na pigbabalidya sa mga pagtaraid na barangay.

Sa kusog kan search warrant na firmado ni RTC Judge Irma Isidora Boncodin-Zamudio, linaog kan mga awtoridad an pigtutukdong lugar na may shabu.

Nakua sa poder kan suspechado an duwang pcs na heat-sealed transparent plastic sachet na may laog na maputing pulbos na pigtutubodan na shabu; sarong heat-sealed plastic sachet na may latak nin pigtutubodan na shabu; 1 rolyo nin aluminum foil asin tooter.

An dinakop na persona haloy nang nasa listahan kan mga awtoridad, alagad ngonian sana natimbog sa tabang kan mga informante sa saindang lugar.


Siya maatubang nin caso sa paglapas sa ley mapadapit sa pinapangalad na droga, an RA 9165.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...