Wednesday, June 18, 2014

Burat na naglalakaw sa riles, nasagi kan tren, gadan

LIBMANAN, CAMARINES SUR — Mantang ipigrurukyaw kan mga Bicolano an pagfirma ni Presidente Benigno Aquino III kan ley na minataong extension sa buhay kan Philippine National Railways, saro na naman na mamundong incidente an nangyari na nag resulta sa kagadanan nin tawo, mantang naglalakaw sa mga riles.

An manehamiento kan PNP nagpahayag kasoodma na sarong aksidente sa riles ninda an nangyari sa Barangay Mantalisay, sa banwaan na ini.

An victima nabistong si Angeles Alano, 63 anyos an edad.

Si Constancio Toledano, an Division Manager kan PNR sa Naga, nagsabi na an victima nag hahasay-hasay sa saiyang paglakaw sa may riles kan tren kan siya aksidenteng ma-sagi kan viajeng Sipocot-Naga.

Idinugang ni Toledano na inako kan saindang makinista na dae na kaya kan tren na magpreno sa lugar kan aksidente, huli sa bwelo na ini kan saiyang dalagan.

An victimang si Alano tinamaan an saiyang payo na iyong naging dalan kan saiyang tulos na kagadanan.

An tugang kan victima na si Celso Alano nagpahayag na hale an saiyang tugang sa sarong kaorogmahan, ta nag-atendir nin cumpleanyo, pero mayong swerte na nagadan huli kan makuring aksidente.

Mientrastanto, inako ni Toledano na an PNR, despuesto man na magtao nin tabang financial sa victima kan aksidente. — BICOLSTANDARD.COM
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...