Wednesday, June 25, 2014

Bados na babae, tinamaan nin kikilat

LEGAZPI CITY—Pigtutubodan na dakulang swerte an nangyari sa bados na babae na nakalibre sa siertong kagadanan kan sinda tamaan nin kikilat, mantang nagsisirong sa sarong harong sa guilid nin oma.

Sa estorya kan victima na si Francia Monteveros, taga Pawa, ciudad na ini, nag-eskosar sindang magpahuraw sa harong, kan magpadagos an makusog na ariporos nin duros, kasabay an hugnak kan oran, na may kaibahan kikilat asin parak-patak.

Sa declarasyon ni Noel Adra, kaiba ni Francia, nagdiklom an saindang paralibot na may kasunod na hagawak asin makusogon na tagdo kan garo tipasi nin mais na uran.

Si Francia Monteveros, sabi sa report, nakamate nin kuryente sa lawas, kan magdalihig asin magkanap an kuryente hale sa nagsisilyab na kikilat.

Maray ngani ta dae nalagarto si Francia, na bados nin pirang bulan.

Mientrastanto, dae nagmangno si Francia na an saiyang kaiba na si Noel Adra inabot palan kan makusogon na kuryente kan kikilat.

Nadismayo si Adra, asin kan magmangno, dinara na sa hospital.

Mantang isusurat an baretang ini, pigsisibotan an pag-examin kan pigbabados na omboy ni Francia, na tibaad namugtak sa peligro an buhay.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...