LCC Expressmart sa Legazpi linaog nin holdupper
LEGAZPI CITY—Kantidad P50,000 an
nakuang kantidad na cuarta kan mga pusikit na holdupper kasubanggui sa LCC
Expressmart, sa Barangay Rawis, sa ciudad na ini.
An insidente nangyari poco mas o
menos alas 7:00 nin banggui.
Sabi sa report kan pulis, apat na
lalaki an naheling na nagtarabang sa pagsalakat.
An duwa sainda, nagbaba hale sa
saindang piglunadan na motorsiklo, sa tungod kan tindahan.
An mga parasalakat armado nin haralipot na badil, na ginamit sa
pagtutok sa guardia kan LCC Expressmart.
Narugado an security guard kan
LCC kan siya kulatahon kan polo kan badil kan saro sa mga suspechado, na nagresulta
sa pagdiriklom kan saiyang pagheling. Dae na nakahiro an sekyu sa sitwasyon na
ini.
Mientrastanto, mantang dismayado an
security guard, an saro pa nindang kaiba an marikas na nagdalagan pasiring sa
cahera, asin nag declarar nin holdup.
Natagalpo asin mayo nang naginibo
an iba pang yaon sa laog kan tindahan, kundi itao na sana an saindang maghapon
na benta sa tindahan, kasunod kan grabeng nerbyos huli sa pangyayari.
An mga imbestigador na nagsiyasat
kan incidente nakakua nin 3ng baseyong capsula na hale sa .9mm na badil na pinaputok
kan mga parahabas.
An mga awtoridad nagsugo man tulos
sa saindang mga kabohan na lapagon an mga parahabon.—BICOLSTANDARD.COM
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
