Saturday, June 21, 2014

Lalaki tinusok nin tari sa Lagonoy, makuri an kamugtakan

LAGONOY, CAMARINES SUR—Makuri an lugad sa tulak na sinapo ni Rodolfo Caganda, 53 anyos, taga Sitio Mabalod, Barangay Del Carmen, kan siya tusukon nin tari o tambod sa manok kan saiyang kaiwal.

An suspechado sa krimen iyo si Rommel Abellana, may agom, kabarangay kan victima.

Sa nagunong ninformasyon kan imbestigador na pulis, naaraman na poco mas o menos alas 8:00 nin banggui kan Junio 19 duwang tawo an nagpapasaway sa saindng barangay.

Sinda nabistong iyo si Joseph Candelaria asin Joven Candelaria, manugang kan victima.

An victima, nagprobar na magsaway sa ginibigong escandalo kan magtugang.

Alagad, si Rodolfo Caganda an napamuransangan kan suspechadong si Rommel Abellana.

An suspechado marikas na nagdulag pakalihis kan insidente.

Tulos naggibo nin pagsiyasat an mga tawohan kan pulis. Mantang an victima idinalagan pasiring sa Bicol Medical Center para malapatan nin bulong.

An suspechado sinangatan nin casong frustrated murder kan mga awtoridad. –BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...