Wednesday, June 25, 2014

Teenager nakuang gadan; Iriga City police nag iimbestigar

IRIGA CITY –Mas hararom na pagsiyasat an ginigibo ngonian kan mga pulis digdi tanganing discubrehon kun tinuyo an paggadan kan sarong teenager digdi.

An mga awtoridad nakuang saro nang bangkay si Paulo Caudilla y Belga, 18 anyos, residente kan Danawan, Libmanan.

Por medio sa informasyon na ipinaabot sa mga pulis, dinumanan ninda an gadan nang hawak kan victima na nakabolokon sa oma, ni Ina de Villa sa Del Rosario Banao sa ciudad na ini.

An nakadiscubre kan bangkay ni Caudilla iyo an saiyang katrabaho na si Efren Caganda.

Enot nang ginibo kan mga awtoridad an pagrekesa kan lawas kan gadan, kan ini darahon sa Health Center, pero mayo man nin naheling na rungas o maski anong senyal na tinuyo siyang ginadan.

Apisar kan siring na informasyon, an mga awtoridad nagconducir pa nin Post Mortem examination, para mapararom an pag-aram, kun siya inorihan asin tuyong ginadan. –BICOLSTANDARD.COM.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...