Wednesday, June 18, 2014

Pasahero nin bus nagtagbang, gadan

DEL GALLEGO, CAMARINES SUR – Ipigdeclarar na mayo na nin buhay si Eulogio Ramos, 52 anyos, kan darahon ini sa Ragay District Hospital pagkatapos maglukso hale sa nagdadalagan na Apple City Bus na may byahe pasiring sa Manila.

Sa report kan PNP Provincial Office, sinabi na mayo pang malinaw na rason asin evidencia kun tano ta ginibo kan victima an siring na desisyon.

An insidente nangyari sa Barangay Pasay Del Gallego, Camarines Sur.

Si Ramos, susug sa police report, nakatukaw sa ikatulong raya kan tukawan kan bus.

Mayong makapagsabi kun tano ta siya nag lampaw sa awto.

Si Nelson Gonowon, an driver kan sinasakayan na bus, nagpahayag sa mga imbestigador na pinondo niya an saiyang pigmamanehong vehiculo tanganing sapodon an saiyang pasahero. Pero, talagang grabe an tama sa saiyang lawas, orog na sa payo na naging causa kan saiyang tulos na kagadanan.

An mga awtoridad nagigibo pa nin suway na pagsiyasat kan aksidente.

Sa presente, mayo pang nasisilag na senyal na tinuyo an pagkagadan kan victima.—BICOL STANDARD.COM
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...