Thursday, June 5, 2014

Suspechado sa 10ng casong rape, dinakop

DAET, CNORTE—Natapos na an halawig na pagtago-tago sa halabang kalamias kan ley ni Noel Soque na may inaatubang nin 10ng caso nin panlupig.

An suspechadong paralupig, haloy nang panahon hinahanap kan mga awtoridad, tanganing panimbagon sa magabat na asunto criminal.

Si Soque, 36 anyos an edad asin residente kan P-2, Barangay 4 sa banwaan kan Mercedes.

An sampulong mandamiento de aresto sa mga casong ini pinaluwas ni Judge Evan Dizon kan Branch 40 kan Regional Trial Court sa Daet.

An arrest warrant may fechang Mayo 28, 2014.

Maroromduman na si PNP Regional Director Chief Supt. Victor Deona, igwang nagdadanay na kasugoan sa gabos na mga pulis na magpaheling kan saindang higos sa pag-enforsar kan ley.

An nasambit na directiba iyo an pigtutungkosan kan gabos na mga hefe nin estasyon nin pulis sa saindang oro-aldaw na kampanya sa paghanap kan mga imbuelto asin suspechado sa krimen.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...