Tuesday, June 17, 2014

2ng Indian Nationals, pigholdup sa Casiguran

CASIGURAN, SORSOGON – Usong maray ngonian an paghipa asin dagos nang pagholdup sa mga nagpapautang nin cuarta sa man laen-laen na banwaan kan Bicol.

2ng Indian Nationals, pig holdup sa Casiguran, Sorsogon

Kasoodma, sa banwaan na ini, naging victima kan mga holduppers iyo an mag-agom na Indian nationals na pigbistong sinda Raman Deep y Kaur asin an esposa kaining si Mylene Deep.

Segun sa report kan pulis, an mag-agom parateng naheheling na nag bibisita sa mga banrangay kan banwaan na ini, para magrota kan saindang pautang sa inaapod na “ lending” o “five six,” na aldawan an pagbayad kan mga customers.

An spot report kan mga awtoridad nagsasabi na an mag agom nakalunad sa Isuzu Crosswind na may plate number na ZBE 428 hale sa banwaan na ini pasiring sa direksyon kan Ciudad kan Sorsogon.

An parateng lakaw kan mag agom iyo an saro-sarong pag hapit sa saindang mga cliente oro-aldaw.

IN CASE YOU MISSED IT: Acting Gov. Escudero seeks support of SP, LGU officials

Kasoodma, nagduman sinda sa Barangay Ponong para hapiton an bayad hale sa sarong parokyano.

Nakubanan  na sana sinda kan uminabot an sarong pulang Honda Wave na motorsiklo na may nakasakay na duwang persona. An mag-agom tulos na pinaputukan kan backrider kan motorsiklo.

Tinamaan si Raman Deep nin bala sa saiyang lawas na iyong naging causa kan saiyang kagadanan.

Mientrastanto, an saiyang esposa na nakasuno saiya, tinamaan man nin bala.

Ngonian, siya malaen man an tama, alagad pigbubulong sa hospital.

An duwang lalaki na iyong nagholdup sa mga victima, marikas na nagdulag pasiring sa direksyon kan Sorsogon City. – BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...