3-classroom building sa Calabanga, tuprod sa kalayo

CALABANGA, CAMARINES SUR—Haros magturo an luha kan mga magurang asin mga paratukdo sa Manguiring Elementary School kan maheling nindang nag-aarab-adab an kalayo na nagtuprod kan tulong cuartong eskwelahan, digdi.
3-classroom building sa Calabanga, Camarines Sur tuprod sa kalayo
Kua ni Oscar Esmenda/BICOLSTANDARD.COM
An edificio na kinakan kan kalayo iyo an gurangan nang Marcos Type school building na hinaman pa kan 1968.

Nagbungkaras an kalayo huli sa raot nang linya nin kuryente na dae tulos nariparo kan mga nag-ookupar kan edificio.

Si Victor de Villa, an Punong Barangay digdi, an nagpahayag sa media na nagpoon an kalayo pirang minutos pa sanang natatapos an pagklase sa elementarya.

Naging marikas an pagkanayap kan kalayo, huli sa raging nang maray an mga kanang kahoy ta pirang bulang nang mayong uran.

An mga bombero hale sa Naga City asin digdi sa Calabanga an nag-ayuda sa pagsigbo kan kalayo, na natapos poco mas o menos alas 6:00 na nin banggui.

Mientrastanto, nangapodan tulos an mga oficiales kan barangay pati na an mga miembros kan Parents Teachers Association nin tabang hale sa gobierno municipal asin sa Department of Education (DepEd).

An mga eskwela na nag ookupar kan 3-cuartong nasulo tatabangan ngona kan mga oficiales kan barangay na makakua nin lugar na saindang masisirongan.—BICOLSTANDARD.COM
3-classroom building sa Calabanga, Camarines Sur tuprod sa kalayo
Kua ni Oscar Esmenda/BICOLSTANDARD.COM

3-classroom building sa Calabanga, Camarines Sur tuprod sa kalayo
Kua ni Oscar Esmenda/BICOLSTANDARD.COM

3-classroom building sa Calabanga, Camarines Sur tuprod sa kalayo
Kua ni Oscar Esmenda/BICOLSTANDARD.COM
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest

Start typing and press Enter to search