Tuesday, June 24, 2014

Awto kan Liga ng mga Barangay, sinubsuban sa Baras, Catanduanes

BARAS, CATANDUANES –Mayong malinaw na paliwanag kun tano ta sinubsuban kan sarong babae an vehiculo na nakaparada sa atubangan kan municipio kan banwaan na ini kasoodmang aga.

Si  Jelyn Dayawon y  Broso, 21 an edad, nagbabalinghaw na naglaog sa oficina kan alkalde, pagkagtapos na sabritan an multicab na sadire kan Liga ng mga Barangay.

An mga awtoridad nagsabi na poco mas o menos alas 8:00 nin aga kasoodma kan naheling si Dayawon na palaog sa oficina kan alkalde.

Huli sa marikas na pangyayari, mayo lamang na nakasaway saiya.

Afuera kan valor kan distroso na sinapo kan awto, igwa pang naheling na rinaot si Dayawon sa laog kan comfort room kan oficina.

An inisyal na kantidad kan distroso ipigbugtak kan pulis sa kantidad na P33,000.

Mientrastanto, an nagbalinghaw na daraga dae man nakibugnotan sa mga awtoridad kan siya arestaron.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...