Selos, causa kan paghugot kan soltero

BALATAN, CAMARINES SUR – Posibleng makuring pagselos an nagtuklang ki John Benjie Cuarteros tanganing taposon na an saiyang buhay por medio nin pagbitay.

Sa ginibong pagsiyasat kan mga awtoridad, nakuang mayo nang buhay an hawak ni Cuarteros sa laog kan saindang harong sa Zone 5, Barangay Tapayas, digdi.

An 21 anyos na soltero, nagwalat nin surat sa lamesa sa laog kan saindang residencia na nag hahagad nin kapatawadan sa saiyang ina, huli kan saiyang desisyon na tapuson na an saiyang buhay.

Nagluluwas sa estorya kan saiyang familia na si Cuarteros bilog na an plano na pakasalan an saiyang ka-ilusyon sa masunod na mga aldaw.

Pero, garo parateng nakukulgan an boot, sa dae maipaliwanag na pagselos.

Si Cuartero, antes mangyari an saiyang pagpatiwakal, namasdan na dae nagpaparagirong asin rebokado an isip.

An mga dayupot na amigo ni Cuarteros nagtutubod na nagkaigwa nin dae pagkaka-intindihan an mag-ilusyon na guinikanan kan saiyang pagbitay.

An mga nakasurat na text messages sa saiyang cellphone an nagtaong dugang na linaw sa causa kan saiyang pagkagadan. – BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest

Start typing and press Enter to search