Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, June 25, 2014

Espiya suboot kan gobierno, ginadan kan NPA

AROROY, MASBATE—Mga rebeldeng miembros kan New People’s Army (NPA) an sinasahotan responsible sa pagtodas kan sarong persona na suboot, naging katuwang kan gobierno sa kampanya contra sa aktibidades kan mga rebelde.

Mantang an mga awtoridad nagsisiyasat pa kan completong pangyayari, an mga nagmamasid nagtutubod na rinisbakan an victimang si Ronald Gallos, Jr. kan mga kalaban kan gobierno.

An mga miembros kan familia ni Gallos nagpahimutik na si Gallos, Jr., naging serving espiya para sa military, sa arin man na parte kan provincia, o maging sa saindang banwaan.

An krimen nangyari sa Barangay Malubi, sa banwaan na ini.

Sinasabi sa bareta na an victima, antes na badilon, naghapit sa saiyang mga amigo asin naghampangan pa ngani sa irinoman.

Alagad, dae man siya naghaloy, ta igwa pang importanteng dumanan.

Nagsangkay si Gallos, Jr., sa saiyang service na motorsiklo, asin dae naghaloy binadil na siya nin armadong grupo, na pigtutubodan na mga rebelde.


An victima residente kan Barangay Concepcion, sa banwaan na ini.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...